Կյանքի տարբեր փուլերում կինը կարիք ունի խորհրդատվության և մասնագիտական օգնության։ Ցավոք, երբեմն մասնագետները հասանելի չեն լինում, հատկապես արտակարգ իրավիճակներում, օրինակ՝ բնական աղետների, պատերազմների ժամանակ։ Այս ձեռնարկի նպատակն է անհրաժեշտ տեղեկություններ տրամադրել կնոջը առողջության մասին՝ հնարավորինս խուսափելու լուրջ խնդիրներից։ Ձեռնարկը տեղեկատվական է, ներառում է արտակարգ իրավիճակներում ծննդօգնության նվազագույն գիտելիքներ և կօգնի կնոջը ճիշտ կողմնորոշվելու կյանքի տարբեր փուլերում։ Տրված խորհուրդները վերցված են հեղինակային միջազգային աղբյուրներից և բժշկական ցուցումներ չեն։ Մենք կհամարենք, որ ձեռնարկը հասել է իր նպատակին, եթե այն օգնի ձեզ գտնելու հուզող թեկուզ մեկ հարցի պատասխան։ Եղե՛ք առողջ և տեղեկացված։
Սույն ձեռնարկը պատրաստվել է ՄԱԿ-ի Բնակչության հիմնադրամի աջակցությամբ։ Ձեռնարկում արտահայտված կարծիքները հեղինակային են և կարող են չհամընկնել ՄԱԿ-ի Բնակչության հիմնադրամի տեսակետներին:
