2012 թ. դեկտեմբերի 10-ին, Վանաձորի Հովհաննես Թումանյանի անվան պետական մանկավարժական ինստիտուտի դահլիճում հանդիսատեսի դատին հանձնվեց «Ես կին եմ» ներկայացումը՝ նվիրված ընտանեկան բռնության հիմնախնդրին:
Երեք աթոռ, երեք երիտասարդ կին, երեք ճակատագիր - ահա այն ամենը, ինչին այդ օրն ականատես եղավ հանդիսատեսը՝ հիմնականում ուսանողներ և ուսանողուհիներ, ովքեր ներկայացման ընթացքում չէին կարողանում թաքցնել արցունքը:
Ներկայացման ավարտին դահլիճը պայթեց հոտնկայս ծափահարություններից:
Այնուհետև հագեցած քննարկում ծավալվեց հանդիսատեսի հետ: Ինչպես պատմեց քննարկումը վարող հոգեբան Խաչիկ Գասպարյանը. ներկայացման հիմքում իրական մարդիկ և իրական ճակատագրեր են, ոչինչ չի հորինվել:
Բեմադրության ռեժիսորն է Սուրեն Շահվերդյանը: «Ես կին եմ» ներկայացման բեմադրությունը կազմակերպվել էր 2012 թ. «Ընդդեմ գենդերային բռնության ակտիվության 16-օրյակ» քարոզարշավի շրջանակներում՝ «Փոփոխությունների թատրոն» ինտերակտիվ ֆորում թատրոնի օգնությամբ:
