Ուրախ ենք ձեզ ներկայացնել «Հաշմանդամություն ունեցող 50 կանայք, որ փոխեցին աշխարհը» գիրքը։
Այն ոգեշնչող պատմությունների շարք է խիզախ ու պայքարող կանանց մասին, որոնք չեն ընկրկել դժվարություններից, անհամար «չէ»-երից ու «չի կարելի»-ներից և իրենց ամենօրյա աշխատանքով ոչ միայն ճանապարհ են հարթել իրենց համար, այլև շատ ու շատ երիտասարդների՝ աշխարհը դարձնելով ավելի ներառական։
Ի դեպ, գրքում կհանդիպեք նաև հայ կանանց մասին պատմող պատմությունների, իսկ թե ովքեր են նրանք, կարող եք տեղեկանալ այս հղումով։
Գրքի հեղինակներն են Հասմիկ Սիմոնյանը և Արմինե Դանիելյանը։
Գիրքն ունի նաև վիդեո տարբերակ՝ սուրդո թարգմանությամբ։
Շնորհակալություն Edgar Amirkhanyan-ին և Gohar Meliqyan-ին այս հարցում մեզ աջակցելու և համագործակցության համար։
Գիրքը ստեղծվել է «Պտղի սեռով պայմանավորված խտրական ընտրության և հարակից վնասակար գործելակերպերի կանխարգելումը Հարավային Կովկասում. աջակցություն տարածաշրջանային, ազգային և հարավ-հարավ նախաձեռնություններին» ծրագրի շրջանակում։ Ծրագիրը ֆինանսավորվում է Եվրոպական միության և ՄԱԿ-ի Բնակչության հիմնադրամի կողմից:
Գրքի աուդիո տարբերակը պատրաստվել է ՄԱԿ-ի Հաշմանդամություն ունեցող անձանց իրավունքների պաշտպանության գործընկերության Բազմագործընկեր նպատակային հիմնադրամի (UNPRPD MPTF) ֆինանսական աջակցությամբ։
