Տարեցների սոցիալական պաշտպանության և խնամքի տրամադրման հիմնախնդիրներով զբաղվող կառույցների ցանցը քննարկեց տեղահանված տարեցներին ուղղված առկա և գալիք ծրագրերն ու միջոցառումները։
«Կարծում եմ, որ կարող ենք օգտագործել այս հարթակը և, հնարավորության դեպքում, միավորել ռեսուրսներ հայթայթելու ջանքերը։ Խրախուսում ենք նաև երկկողմ և բազմակողմ հանդիպումները ցանցի ներսում՝ համագործակցության և ռեսուրսների հայթայթմանն ուղղված միասնական և թիրախային գործողությունների համար», - նիստի բացմանն ասաց ՄԱԿ-ի Բնակչության հիմնադրամի հայաստանյան գրասենյակի ղեկավար Ծովինար Հարությունյանը։
Աշխատանքի և սոցիալական հարցերի նախարարության Տարեցների հիմնահարցերի բաժնի ղեկավար Հայկ Հարությունյանը ցանցի անդամներին ներկայացրեց 2024 թվականին պետության կողմից դրամաշնորհների հատկացման ծրագիրը։
Ցանցը, համագործակցելով պետության հետ, կշարունակի աշխատել տեղացի և տեղահանված տարեցների պաշտպանության և նրանց հիմնարար կարիքների բավարարման ուղղությամբ։
Նիստը տեղի ունեցավ CISPop «Ավելի լավ տվյալներ՝ ավելի լավ քաղաքականությունների համար» ծրագրի օժանդակությամբ։
