Ուղեցույցի նպատակն է. բարելավել դեռահասության շրջանում ՊԿՁՀ ախտորոշումը, տրամադրել ապացուցողական խորհուրդներ: Ուղեցույցը չի հակասում, այլ հիմնվելով ապացուցողական բժշկության արդի եվրոպական, ամերիկյան, կանադական, ավստ­ րալիական գրականության վրա, լրացնում է գործող չափորոշիչները, հատկապես ան­ դրադառնալով այնպիսի կլինիկական խնդիրներին, որոնք լուսաբանված չեն առկա փաստաթղթերում:

Մեթոդաբանություն

Սույն կլինիկական ուղեցույցը մշակվել է ՄԱԿ­ի Բնակչության հիմնադրամի «Երիտա­ սարդների առողջության և մասնակցության խթանում» ծրագրի շրջանակներում: Ու­ ղեցույցի աղբյուր են հանդիսացել 2015 թ. Հորմոնների հետազոտությունները մանկա­ բուժության մեջ, Կլինիկական Պրակտիկայի Խորհրդի հրապարակում (2015, Hormone Research in Paediatrics, Clinical Practice Committee Publication); 2015 թ. Մանկական Էնդոկրինոլոգների Միության, մանկական, չափահասների և վերարտադրողական էն­ դոկրինոլոգների, դեռահասների բժշկության և դեռահասների գինեկոլոգների միջազ­ գային ընկերությունների փորձագետների կողմից ընդունված դեռահասային ՊԿՁՀ ախտորոշման չափորոշիչների վերաբերյալ կոնսենսուս (The Diagnosis of Polycystic Ovary Syndrome in Adolescents, Pediatrics 2015, Official Journal of American Academy of Pediatrics); 2013 թ. Էնդոկրինոլոգների Ընկերության կլինիկական ուղեցույց (Endocrine Society clinical practice guideline, 2013); Մարդու վերարտադրության և սաղմնաբանու­ թյան Եվրոպական Միության և Ամերիկայի վերարտադրողական բժշկության կազմա­ կերպության ՊԿՁՀ աշխատանքային խմբի կողմից առաջարկված կոնսենսուս 2012 թ. (Rotterdam ESHRE/ASRM­Sponsored PCOS Consensus Workshop Group), ինչպես նաև PubMed և UpToDate շտեմարանների արդի տվյալները:

Տեղեկատվության որակը գնահատելիս և ցուցումների ուժը որոշելիս սկզբնաղբյուր հանդիսացող փաստաթղթերում հիմք է ընդունվել GRADE համակարգի կողմից առա­ ջարկվող դասակարգումը (Տես Հավելված 1): Ուղեցույցի տեղայնացման գործընթացը իրականացվել է համաձայն միջազգային ADAPTE մեթոդաբանության:

Հիմնական պնդումների վերջում նշված են ապացուցողականության աստիճանները՝ ըստ վերոհիշյալ աղբյուրների, համաձայն GRADE համակարգի:

Կլինիկական ուղեցույցի դրույթները քննարկվել և հավանության են արժանացել ՀՀ մանկաբարձ ­ գինեկոլոգների և նեոնատոլոգների ասոցիացիայի կողմից։

Սույն փաստաթուղթը ենթակա է պարբերական թարմացումների և/կամ խմբագրման յուրաքանչյուր 5 տարին մեկ կամ ավելի հաճախակի՝ կախված տվյալ ոլորտում նոր գիտագործնական տեղեկատվության ի հայտ գալուց, ինչպես նաև ուղեցույցի ներդր­ ման արդյունքում քաղած դասերից: Ուղեցույցը նախատեսված է հիվանդանոցային և արտահիվանդանոցային օղակում գործող մանկական գինեկոլոգների, մանկաբարձ­ գինեկոլոգների, ընտանեկան բժիշկների,մանկական էնդոկրինոլոգների և մանկա­ բույժների համար: