You are here

ՀՀ արտաքին և ներքին միգրացիայի ընտրանքային հետազոտությունն իրականացվել է 2007 թ. հունիս-նոյեմբեր ամիսներին ՀՀ ազգային վիճակագրական ծառայության և ՀՀ աշխատանքի և սոցիալական հարցերի նախարարության կողմից` ՄԱԿ-ի Բնակչության հիմնադրամի ֆինանսական և տեխնիկական աջակցությամբ: Հետազոտության նպատակն է գնահատել 2002-2007 թթ-ին (մինչ հետազոտության անցկացումը նախորդող ժամանակաշրջանը) երկրում արձանագրված սոցիալ-տնտեսական բարեփոխումների հետևանքով հանրապետության արտաքին և ներքին միգրացիոն միտումներում արձանագրված փոփոխությունները, ինչպես նաև միգրացիոն տեղաշարժերում ներգրավված բնակչության առանձին համախմբերի ծավալային և որակական բնութագրիչները, նրանց սոցիալ-ժողովրդագրական ու տնտեսական բնութագրերը և նրանց հետագա միգրացիոն ծրագրերը: