Հետազոտությունը նպատակ է հետապնդել.
- Բացահայտել և գնահատել դիտարկման հետհայաց ժամանակում (այսուհետ ԴՀԺ՝ 2018-2021թթ.) Հայաստանի Հանրապետության արտաքին միգրացիոն հոսքերի առավել հավաստի ծավալային, կառուցվածքային ու որակական բնութագրիչները,
- Դրանց ու նախորդ տարիներին Հայ-ռուսական (սլավոնական) համալսարանի կողմից նույն մեթոդաբանությամբ իրականացված հետազոտությունների համապատասխան տվյալների համեմատական վերլուծության հիման վրա գնահատել Հայաստանի արտաքին միգրացիոն իրավիճակում վերջին երկու տարիներին տեղի ունեցած քանակական և որակական փոփոխությունները,
- Բացահայտել դրանց հիմնական գործոնները, պատճառահետևանքային կապերը, վեր հանել առկա միգրացիոն հիմնախնդիրները, քննարկել դրանց հաղթահարման կամ սրությունը մեղմելու հնարավորությունները և ներկայացնել նման ներուժ ունեցող առաջարկներ:
Սույն զեկույցը պատրաստվել է ՄԱԿ-ի Բնակչության հիմնադրամի ֆինանսական աջակցությամբ։ Զեկույցում արտահայտված կարծիքները հեղինակային են և կարող են չհամընկնել ՄԱԿ-ի Բնակչության հիմնադրամի տեսակետին:
