Սույն գնահատումը դիտարկում է Հայաստանում փախստականների շրջանում գենդերային հիմքով բռնության (ԳՀԲ) միտումները եւ ռիսկերը՝ 2023 թվականի սեպտեմբերին Լեռնային Ղարաբաղից Հայաստան ավելի քան 100,000 մարդկանց ներհոսքից հետո: Այն նպատակ ունի 142 հարցվածներից (ծառայություններ մատուցողներ, փախստական կանայք եւ փախստական դեռահաս աղջիկներ) ստացված տեղեկությունների հիման վրա քարտեզագրել ԳՀԲ վերապրածների եւ ԳՀԲ-ի վտանգի տակ գտնվող կանանց եւ աղջիկների հիմնական կարիքները, ինչպես նաեւ կարիքները բավարարելուն ուղղված ծառայությունների բացերը: Տվյալների հավաքագրումը տեղի է ունեցել 2023 թվականի նոյեմբեր եւ դեկտեմբեր ամիսներին։ Ներառվել են հարցվողներ Երեւանից եւ Հայաստանի բոլոր մարզերից։