«Հանդիպում 100 տարի անց» պիեսը և բեմականացումը ստեղծվել է «Ականավոր հայ կանայք՝ հանուն կանանց իրավազորման» քարոզարշավի շրջանակներում: ՕքսԵՋեն հիմնադրամը, ՄԱԿ–ի Բնակչության հիմնադրամի և Մուղդուսյան արվեստի կենտրոնի՝ Նաիրյան վոկալ անսամբլի հետ համատեղ «Պտղի սեռով պայմանավորված խտրական ընտրության և հարակից վնասակար գործելակերպերի կանխարգելումը Հարավայիկ Կովկասում. աջակցություն տարածաշրջանային, ազգային և հարավ-հարավ նախաձեռնություններին» ծրագրի շրջանակներում նախաձեռնել է բեմականացում 20-րդ դարի հասարակա-քաղաքական կյանքում մեծ դերակատարում ունեցող հայազգի կանանց մասին: Ներկայացման ժամանակ առաջին դեմքով կներկայանան Առաջին Հանրապետության կին պատգամավորներ՝ Վարվառա-Վարյա Սահակյանը, Կատարինա Զալյան-Մանուկյանը, Պերճուհի Պարտիզպանյան-Բարսեղյանը, ինչպես նաև գրող-հրապարակախոս, հասարակա-քաղաքական գործիչներ՝ Զապէլ Եսայեանն ու Շուշանիկ Կուրղինյանը:
«Պտղի սեռով պայմանավորված խտրական ընտրության և հարակից վնասակար գործելակերպերի կանխարգելումը Հարավայիկ Կովկասում. աջակցություն տարածաշրջանային, ազգային և հարավ-հարավ նախաձեռնություններին» ծրագիրն իրականացվում է ՄԱԿ-ի բնակչության հիմնադրամի կողմից ՕքսԵՋեն հիմնադրամի հետ համագործակցությամբ: Ծրագիրը ֆինանսավորվում է Եվրոպական միության և ՄԱԿ-ի բնակչության հիմնադրամի կողմից:
