Սեռավարակները շարունակում են լինել ժամանակակից առողջապահության մարտահրավերներից մեկը։ Պարբերաբար հայտնաբերվում են նոր սեռավարակներ, ավելանում է դրանց տեսակարար կշիռը չբերության դեպքերում։ Չնայած այն հանգամանքին, որ ախտորոշման և բուժման հարցերը շատ հստակ ներկայացված են ուղեցույցներում, բուժառուների վարումը շարունակում է խնդիր մնալ։ Հատկապես դժվարանում է այդ հարցն արտակարգ իրավիճակներում։
Ձեռնարկը նախատեսված է այն անձանց համար, որոնք ուզում են լինել առողջ ու պաշտպանված սեռավարակների բացասական ազդեցությունից։
Սույն տեղեկատու ձեռնարկը պատրաստվել է ՄԱԿ-ի Բնակչության հիմնադրամի աջակցությամբ։ Ձեռնարկում արտահայտված կարծիքները հեղինակային են և կարող են չհամընկնել ՄԱԿ-ի Բնակչության հիմնադրամի տեսակետներին: Հեղինակ՝ Հովհաննես Հովհաննիսյան, ՀՀ ԱՆ «Այրվածքաբանության և մաշկաբանության ազգային կենտրոն » ՓԲԸ տնօրեն։
