2021 թ.-ին Հայաստանի երիտասարդական մայրաքաղաքը Կապանն է, և մենք օգոստոսի 12-ը՝ Երիտասարդության միջազգային օրը նշեցինք Կապանում։
Այդ օրը Կապանում անցկացվող միջոցառումներին ավելացրեցինք ևս երեքը։
Նախ, ժամը 12-ին մեկնարկեց երիտասարդական հեծանվարշավը՝ ուղղված առողջ ապրելակերպի, ֆիզիկական ակտիվության ու հեծանիվ քշելու քարոզմանը։ Այն կազմակերպել էինք Կապանի «Զարգացման նախաձեռնություններ» հասարակական կազմակերպության հետ համատեղ։ Պատահականության սկզբունքով ընտրված վեց մասնակից ստացավ մեր պատրաստած մրցանակները։
Այնուհետև, արդեն երեկոյան, «Փոփոխությունների թատրոնի» օգնությամբ, խաղացինք մեր «Փրկիր մոլորակդ առորյա քայլերով» ուրախ ու ուսուցողական զեբրախաղը, իսկ հաղթողները ստացան մրցանակներ։
Եվ վերջապես, ՕՍԸՄ հիմնադրամի հետ համատեղ, հանձնեցինք երիտասարդների համար հիանալի «ՕՍԸՄ» գաղափարների մրցույթի մրցանակը՝ 1000 ԱՄՆ դոլարին համարժեք դրամ։ Մեր հաղթողն էր երիտասարդ Արփի Ադամյանը Մեղրիից՝ պատանի բլոգերները տուն ստեղծելու գաղափարով։ Եվս երկու ՕՍԸՄ մրցանակ հանձնեց մեր գործընկեր ՄԱԿ-ի Մանկական հիմնադրամը։
Ահա մեր համեստ ներդրումը Սյունիքի երիտասարդների համար։
Շմորհավոր Երիտասարդների միջազգային օրը։
