ՄԱԿ-ի Բնակչության հիմնադրամը հյուրընկալեց Տարեցների սոցիալական պաշտպանության և խնամքի տրամադրման հիմնախնդիրներով զբաղվող կառույցների ցանցի հերթական հանդիպումը։
ՄԱԿ-ի Բնակչության հիմնադրամի հայաստանյան գրասենյակի ղեկավար Ծովինար Հարությունյանը ողջունեց ցանցի անդամներին և շնորհակալություն հայտնեց մասնակցության համար։
Կառույցի համակարգող մարմինը 2023 թվականին ՄԱԿ-ի Բնակչության հիմնադրամն է։
Ցանցի աշխատանքը մեծ նշանակություն ունի, հաշվի առնելով, որ Հայաստանի բնակչության մեջ ավագ սերնդի մասնաբաժինը շարունակաբար աճում և աճելու է։
Հանդիպման ընթացքում ՀՀ աշխատանքի և սոցիալական հարցերի նախարարություն-ի Տարեցների հիմնահարցերի բաժնի ղեկավարը ցանցի անդամներին ներկայացրեց ոլորտին վերաբերող վերջին օրենսդրական բարեփոխումները։
Մի շարք կարևոր համաձայնություններ ձեռք բերվեցին հետագա քայլերի վերաբերյալ՝ ներառելով նաև համապատասխան պատկան կառույցներին և շահագրգիռ կողմերին՝ ներառական և արդյունավետ լուծումներ գտնելու նպատակով։
Ցանցը նաև դրական եզրակացություն տվեց երեք նոր անդամների՝ ՎԻՆՆԵԹ Գորիսի, Արմավիրի զարգացման կենտրոնի և «Համագործակցության Կամար» ԲՀԿ-ի անդամակցության դիմումներին։
