Ուսումնասիրությունը նպատակ ունի պարզելու հաշմանդամություն ունեցող անձանց կազմակերպությունների և նրանց շահերի ներկայացմամբ ու պաշտպանությամբ զբաղվող ՀԿ-ների կարիքները տվյալահենք ադվոկացիայի տեսանկյունից:

Ուսումնասիրության շրջանակներում ուշադրության առանցքում են եղել հաշմանդամություն ունեցող անձանց կազմակերպությունների՝
● ինքնասահմանումը և սեփական դերի ընկալումները.
● ընկալումները ադվոկացիայի վերաբերյալ.
● փորձը և դիրքորոշումը ադվոկացիոն գործունեության ոլորտում.
● ցանցային գործունեության մեջ ներգրավվելու աստիճանը և պատրաստակամությունը.
● կարողությունների զարգացման առաջնահերթությունները։

«Հաշմանդամություն ունեցող անձանց շահերի պաշտպանության կազմակերպությունների ադվոկացիոն կարիքների գնահատում» հետազոտությունն իրականացվել է «Հաշմանդամություն ունեցող անձանց իրավունքների օրակարգ» ՀԿ-ի կողմից՝ ՄԱԿ-ի Բնակչության հիմնադրամի «Հայաստանում Հաշմանդամություն ունեցող անձանց իրավունքների մասին կոնվենցիայի կիրարկման և հաշմանդամություն ունեցող անձանց ներառման ծրագրերի ներդրման համար բարենպաստ միջավայրի և էկոհամակարգի ստեղծում» ծրագրի շրջանակներում։ Ծրագիրը ֆինանսավորվում է ՄԱԿ-ի Հաշմանդամություն ունեցող անձանց իրավունքների պաշտպանության գործընկերության Բազմագործընկեր նպատակային հիմնադրամի (UNPRPD MPTF) կողմից։